इयत्ता 10वी परीक्षेचा निकाल सोमवारी म्हणजेच 27 मे रोजी दुपारी 1 वाजता ऑनलाइन जाहीर केला जाईल.
SSC Board Result 2024
SSC Board Result 2024 : महाराष्ट्र राज्य माध्यमिक आणि उच्च माध्यमिक शिक्षण मंडळ मार्च 2024 मध्ये घेण्यात आलेल्या इयत्ता 10वी परीक्षेचा निकाल (SSC बोर्ड निकाल) सोमवार, 27 मे रोजी दुपारी 1 वाजता ऑनलाइन जाहीर करेल. यासंदर्भात राज्य मंडळाने अधिकृत परिपत्रक जारी केले आहे. अशा स्थितीत निकालाबाबत विद्यार्थ्यांची उत्सुकता आता संपणार आहे. खाली दिलेल्या लिंकवर जाऊन विद्यार्थी निकाल पाहू शकतात.
राज्याचे शालेय शिक्षण मंत्री दीपक केसरकर यांनी 27 मे पर्यंत निकाल जाहीर केला जाईल, असे जाहीर केले होते. त्यानुसार राज्य मंडळाने 27 मे रोजी निकाल जाहीर करण्याबाबत परिपत्रक प्रसिद्ध केले आहे. यंदा प्रथमच मे महिन्यातच दहावीचा निकाल जाहीर होत आहे. यापूर्वी जूनच्या पहिल्या आठवड्यात निकाल जाहीर करण्याची परंपरा होती, मात्र विद्यार्थ्यांचे अंतर्गत मूल्यांकनाचे गुण ऑनलाइन मागविण्यात येत असल्याने निकाल आधी जाहीर करणे शक्य होते.
अधिकृत वेबसाइटचे पत्ते खालीलप्रमाणे आहेत.
- https://mahresult.nic.in
- http://scresult.mkcl.org
- https://sscresult.mahahsscboard.in
- https://results.digilocker.gov.in
- https://results.targetpublications.org
- https://www.tv9marthi.com
