तुमच्या गावात येतो इतका पैसा! एका क्लिकमध्ये जाणून घ्या कुठे खर्च झाला

सरपंच-ग्रामसेवकांच्या परवानगीशिवाय एक रुपयाही खर्च करता येत नाही

Gram Panchayat Nidhi Check Online : तुमच्या गावात दरवर्षी किती पैसा येतो माहिती आहे का? केंद्र आणि राज्य सरकारकडून मिळणारा हा निधी नक्की कुठे खर्च होतो? कोणती कामे झाली आणि कोणती अजून बाकी आहेत? या सगळ्या प्रश्नांची उत्तरे आता तुमच्या मोबाईलवरच मिळू शकतात!

ग्रामपंचायत व्यवस्थेत एक महत्वाचा नियम आहे – सरपंच आणि ग्रामसेवक या दोघांची संयुक्त मंजुरी झाल्याशिवाय एक रुपयाही खर्च करता येत नाही. या पारदर्शकतेसाठीच सरकारने eGramSwaraj हे विशेष पोर्टल बनवले आहे.

या ऑनलाइन पोर्टलवर तुम्ही तुमच्या गावाची संपूर्ण आर्थिक माहिती पाहू शकता. कोणत्या वर्षी किती निधी आला, तो कुठे खर्च झाला, कोणती कामे पूर्ण झाली – सगळी माहिती अगदी स्पष्टपणे दिली आहे.

असे करा तपासणी

पहिली पायरी: eGramSwaraj पोर्टल उघडा

दुसरी पायरी: तुमच्या गावाचे नाव किंवा कोड टाइप करा

तिसरी पायरी: ‘Financial Progress’ म्हणजे आर्थिक प्रगती या ऑप्शनवर क्लिक करा

चौथी पायरी: ज्या वर्षाची माहिती हवी आहे ते वर्ष निवडा

पाचवी पायरी: ‘Receipt’ या भागात तुम्हाला दिसेल की तुमच्या गावाला किती निधी आला

कुठून येतो हा पैसा?

15व्या वित्त आयोगाच्या शिफारशीनुसार प्रत्येक व्यक्तीसाठी ठराविक रक्कम गावांना दिली जाते. या पैशाचा वापर पाणी पुरवठा, स्वच्छता, रस्ते आणि इतर विकास कामांसाठी केला जातो.

याशिवाय जमिनीचा महसूल, विविध कर (वाहने, उत्सव, टोल) आणि स्थानिक स्त्रोतांकडूनही ग्रामपंचायतीला निधी मिळतो.

कसे वापरा?

ॲप डाउनलोड करा: https://play.google.com/store/apps/details?id=nic.in.unified&hl=en_IN

वेबसाइट भेट द्या: https://egramswaraj.gov.in/financialProgressReport.do

आता तुम्ही कधीही, कुठेही तुमच्या गावाच्या निधीची पारदर्शक माहिती मिळवू शकता. लोकशाहीत हा तुमचा हक्क आहे!