Maratha Binyavaji Karj Yojana : महाराष्ट्रातील मराठा समाजातील तरुण-तरुणींसाठी खुशखबर! राज्य सरकारच्या अण्णासाहेब पाटील आर्थिक मागास विकास महामंडळाच्या कर्ज योजनेला प्रचंड गर्दी होत आहे. या योजनेमुळे शिकलेले पण बेरोजगार असलेले तरुण आता आपला व्यवसाय सुरू करू शकतात.
या योजनेची खासियत म्हणजे कमी व्याजदरावर कर्ज मिळते आणि त्यामुळे तरुणांना आर्थिकदृष्ट्या स्वावलंबी होण्यास मदत मिळते. अर्ज करण्यासाठी तुम्हाला काही कागदपत्रे लागतील, जी सगळी माहिती ‘महास्वयं’ (udyog.mahaswayam.gov.in) या वेबसाइटवर मिळते.
Table of Contents
या तीन योजनांचा फायदा उठवा
अण्णासाहेब पाटील महामंडळ मुख्यतः तीन योजना चालवते:
वैयक्तिक कर्ज व्याज परतावा योजना (IR-1): या योजनेत एकट्या व्यक्तीला स्वयंरोजगारासाठी ५० लाख रुपयांपर्यंत कर्ज मिळते. सर्वात मोठी गोष्ट म्हणजे १२% पर्यंतचे व्याज महामंडळ परत करते.
गट कर्ज व्याज परतावा योजना (IR-2): जर तुम्ही मित्रांसोबत मिळून व्यवसाय करायचा असेल तर ही योजना तुमच्यासाठी आहे.
गट प्रकल्प कर्ज योजना (GL-1): मोठ्या गटांच्या प्रकल्पांसाठी विशेष कर्ज उपलब्ध आहे.
या सर्व योजनांचं एकच ध्येय – राज्यातील बेरोजगारी कमी करणे आणि तरुणांना व्यवसायात पुढे आणणे.
कोण घेऊ शकते या योजनेचा फायदा?
योजनेचा लाभ घेण्यासाठी काही अटी पूर्ण करणे गरजेचे आहे:
तुम्ही महाराष्ट्राचे रहिवासी आणि मराठा समाजातील असले पाहिजे. पुरुषांसाठी वयोमर्यादा ५० वर्षे आणि महिलांसाठी ५५ वर्षे आहे.
तुमच्या कुटुंबाचे वार्षिक उत्पन्न ८ लाख रुपयांपेक्षा जास्त नसावे. यासाठी नॉन-क्रिमिलेयर प्रमाणपत्र किंवा ITR ची कॉपी लागेल.
यापूर्वी इतर कोणत्याही महामंडळाच्या योजनेचा फायदा घेतला नसावा. कर्ज हे राष्ट्रीयकृत, खासगी किंवा सहकारी बँकेतून घेणे बंधनकारक आहे.
विशेष बाब म्हणजे दिव्यांग व्यक्तींसाठी ४% निधी वेगळा राखीव ठेवला जातो.
कोणती कागदपत्रे लागतील?
ऑनलाइन अर्ज करताना या कागदपत्रांची गरज भासेल:
ओळखीसाठी: आधार कार्ड (फोटो आणि क्रमांक स्पष्ट दिसावा)
रहिवासी पुराव्यासाठी: अद्ययावत लाईट बिल, गॅस कनेक्शन पुस्तक, रेशन कार्ड, भाडे करारची कॉपी, पासपोर्ट, टेलिफोन बिल किंवा तहसीलदारांचा रहिवासी दाखला – यापैकी कोणतेही एक.
उत्पन्नाचा पुरावा: तहसीलदारांचा चालू वर्षाचा कौटुंबिक उत्पन्नाचा दाखला किंवा स्वतःची आणि पती/पत्नीची ITR कॉपी.
जातीचा पुरावा: जातीचा दाखला किंवा शाळा सोडल्याचा दाखला.
प्रकल्प अहवाल: एक पानी प्रकल्प अहवाल लिहावा लागेल. महामंडळाच्या वेबसाइटवर विविध व्यवसायांचे नमुना अहवाल मिळतील.
स्वयंघोषणापत्र: महामंडळाच्या पोर्टलवर उपलब्ध फॉर्म भरावा लागेल.
कर्ज मिळाल्यानंतर काय करावे?
बँकेकडून कर्ज मंजूर झाल्यावर मंजुरी पत्र आणि EMI चे वेळापत्रक पोर्टलवर अपलोड करावे लागेल. दरमहा कर्जाचे हप्ते भरल्याचे पुरावे म्हणून बँक स्टेटमेंट अपलोड करा. त्यानंतर महामंडळ व्याजाची रक्कम तुमच्या खात्यात जमा करेल.
कर्ज मंजूर झाल्यावर महामंडळ पात्रतेचे प्रमाणपत्र (LOI) आणि कर्ज हमीचे पत्र ऑनलाइन देते.
व्यवसाय सुरू झाल्यावर सहा महिन्यांच्या आत व्यवसायाचे दोन फोटो पोर्टलवर अपलोड करावे लागतील. तुमच्या दुकानाच्या फलकावर ‘अण्णासाहेब पाटील आर्थिक मागास विकास महामंडळाच्या आर्थिक सहाय्याने’ हे लिहिणे बंधनकारक आहे.
कसे करावा अर्ज?
या सर्व माहितीमुळे इच्छुक उमेदवारांना अर्ज करणे सोपे होईल आणि स्वतःचा व्यवसाय सुरू करण्याची प्रेरणा मिळेल. अधिक तपशील जाणून घेण्यासाठी ‘महास्वयं’ पोर्टलला भेट द्या आणि आपल्या स्वप्नातील व्यवसायाची सुरुवात करा!
