Mukhyamantri Majhi Ladaki Bahin Yojana Latest Update : मुख्यमंत्री माझी लाडकी बहीण योजना 1 जुलै 2024 पासून महाराष्ट्रात सुरू करण्यात आली असून या योजनेचा उद्देश राज्यातील महिला आणि भगिनींना आर्थिक सहाय्य प्रदान करणे आहे. या योजनेला राज्यभरातून चांगला प्रतिसाद मिळत असून या योजनेमुळे महिलांच्या आर्थिक सक्षमीकरणाच्या उद्दिष्टाला बळ मिळाले आहे. जर तुम्ही अद्याप लाडकी बहीण योजनेसाठी अर्ज केला नसेल तर पुन्हा अर्ज कसा करायचा? अर्ज प्रक्रिया कधी सुरू होईल? चला त्याबद्दल अधिक जाणून घेऊया…
मुख्यमंत्री माझी लाडकी बहीण योजना
मुख्यमंत्री माझी लाडकी बहीण योजनेचा उद्देश राज्यातील आर्थिकदृष्ट्या दुर्बल महिलांना आर्थिक सहाय्य प्रदान करणे हा आहे. या योजनेंतर्गत 21 ते 65 वयोगटातील विवाहित, घटस्फोटित आणि निराधार महिलांना दरमहा 1,500 रुपयांची मदत दिली जाते. हे पैसे थेट DBT द्वारे पात्र महिलांच्या आधार-लिंक्ड बँक खात्यात जमा केले जातात. पात्रतेसाठी, महिला अर्जदाराचे वार्षिक कौटुंबिक उत्पन्न 2.5 लाख रुपयांपेक्षा कमी असावे.
ज्या महिलांनी आधीच अर्ज केला आहे त्यांना लाभ मिळेल
रक्षाबंधनाच्या मुहूर्तावर लाडकी बहिन योजनेच्या पहिल्या हप्त्याचे वितरण सुरू करण्यात आले होते, तेव्हापासून पात्र महिलांच्या खात्यावर पैसे जमा केले जात आहेत. आतापर्यंत जुलै ते नोव्हेंबर या कालावधीतील 5 महिन्यांचे हप्ते महिलांच्या खात्यात जमा करण्यात आले आहेत. आतापर्यंत राज्यातील 2 कोटी 34 लाख महिला या योजनेसाठी पात्र ठरल्या असून येत्या काही वर्षांत पात्र महिलांची संख्या 3 कोटीपर्यंत वाढण्याची शक्यता आहे.
अर्ज प्रक्रिया
मुख्यमंत्री माझी लाडकी बहीण योजनेसाठी अर्ज करणाऱ्या महिलांना आता फक्त अंगणवाडी केंद्रातूनच अर्ज करता येणार आहेत याची नोंद घ्यावी. अर्ज भरण्याचे इतर सर्व पर्याय बंद आहेत. त्यामुळे इच्छुक महिलांनी त्यांच्या जवळच्या अंगणवाडी केंद्राशी संपर्क साधावा.
अर्ज करण्याची शेवटची तारीख
राज्य सरकारने मुख्यमंत्री माझी लाडकी बहीण योजनेंतर्गत अर्ज करण्याची अंतिम तारीख 15 ऑक्टोबर 2024 पर्यंत वाढवली होती. यापूर्वी ही तारीख 30 सप्टेंबर होती. मात्र सध्या राज्यात निवडणुकांमुळे आचारसंहिता लागू झाल्यामुळे अर्ज प्रक्रिया बंद आहे.
नवीन अर्ज भरण्याची संधी
ज्या महिला याआधी काही कारणास्तव मुख्यमंत्री माझी लाडकी बहीण योजनेसाठी अर्ज करू शकल्या नाहीत त्यांनाही या योजनेचा लाभ घेण्यासाठी अर्ज करण्याची संधी दिली जाईल. आचारसंहिता संपल्यानंतर डिसेंबर महिन्यात नवीन अर्ज भरण्याची प्रक्रिया सुरू होईल.
