Sheti Karj Rbi Navi Rules 2025 : शेतकरी बंधूंनो, शेतीसाठी कर्जाची गरज आहे का? आता चिंता करू नका! रिझर्व्ह बँक ऑफ इंडियाने (RBI) 11 जुलै 2025 पासून एक नवा नियम लागू केला आहे, ज्यामुळे लहान शेतकऱ्यांसाठी कर्ज घेणे आणखी सोपे झाले आहे.
आता सोने-चांदी गहाण ठेवून मिळणार शेती कर्ज
नवीन नियमानुसार, शेतकरी आता सोने किंवा चांदी गहाण ठेवून 2 लाख रुपयांपर्यंत शेती कर्ज घेऊ शकतात. पूर्वी शेतकऱ्यांना काहीही गहाण न ठेवता मर्यादित कर्ज मिळायचे, पण आता स्वेच्छेने सोने-चांदी गहाण ठेवून जास्त रक्कम मिळवता येईल.
या सुविधेमुळे काय फायदे होणार?
- शेतकऱ्यांना गरजेच्या वेळी तत्काळ निधी उपलब्ध होईल.
- बँकांसाठीही धोका कमी होईल, कारण गहाण मालमत्ता सुरक्षित असेल.
- शेतकऱ्यांना आर्थिक अडचणींवर मात करता येईल.
- कर्जासाठी लागणारे कागदपत्र व प्रक्रिया देखील सुलभ असेल.
कर्ज घेताना शेतकऱ्याची पूर्ण संमती आवश्यक
या कर्ज प्रक्रियेत शेतकऱ्याची संमती महत्त्वाची आहे. बँक कोणत्याही प्रकारे जबरदस्ती करू शकत नाही. त्यामुळे शेतकरी आपल्या गरजेनुसार निर्णय घेऊ शकतो.
शेती संकट आणि कर्ज गरज
देशातील शेतकरी सध्या आस्मानी आणि सुलतानी संकटांचा सामना करत आहेत. पावसाचा अनियमितपणा, खतांच्या किमती, मजुरीचा खर्च आणि बाजारातील अनिश्चितता यामुळे शेतीचा खर्च वाढला आहे. अशा वेळी RBI च्या या निर्णयामुळे शेतकऱ्यांना मदतीचा हात मिळेल.
🔔 महत्त्वाची टीप:
हे कर्ज फक्त शेतीसाठीच वापरणे आवश्यक आहे. बँका कर्ज मंजुरीच्या वेळी त्याची खातरजमा करतील
