PPF Account che fayade aani niyam : नोकरी करत असताना भविष्याची चिंता सतावते, विशेषतः खासगी नोकरी करणाऱ्यांसाठी. सरकारी नोकरीत निवृत्तीनंतरही नियमित पेन्शन मिळते, पण खासगी क्षेत्रात तसे नसते. त्यामुळेच निवृत्तीनंतर आर्थिक स्थैर्यासाठी गुंतवणूक आवश्यक ठरते. त्यासाठी PPF (Public Provident Fund) ही एक उत्तम योजना मानली जाते.
PPF म्हणजे सार्वजनिक भविष्य निर्वाह निधी. ही योजना दीर्घकालीन बचतीसाठी विश्वासार्ह आहे आणि भारत सरकारच्या पाठबळामुळे अत्यंत सुरक्षित मानली जाते.
PPF योजनेचे फायदे
- दीर्घकालीन योजना – PPF ची मुदत 15 वर्षांची असते. ही मुदत 5 वर्षांनी वाढवता येते.
- सरकारी खात्री – अर्थ मंत्रालयाच्या नियंत्रणाखाली असल्याने तुमची गुंतवणूक सुरक्षित राहते.
- EEE टॅक्स लाभ – गुंतवणूक करताना, व्याज मिळताना आणि पैसे काढतानाही करमुक्त लाभ मिळतो.
- कमी गुंतवणुकीपासून सुरूवात – वार्षिक ₹500 ते ₹1.5 लाख इतक्या रकमेची गुंतवणूक करता येते.
- व्याजदर – सरकार दर तिमाहीला व्याज दर ठरवतं. सध्या (2024-25) व्याजदर 7.1% आहे.
- चक्रवाढ व्याजाचा फायदा – व्याज मूळ रकमेत मिळवून चक्रवाढ पद्धतीने रक्कम वाढत जाते.
- बाजार जोखमीपासून संरक्षण – शेअर बाजारासारख्या चढ-उतारांचा पीपीएफवर परिणाम होत नाही.
- कर्जाची सुविधा – 3 ते 6 वर्षांच्या दरम्यान पीपीएफवर कर्ज घेता येते (25% पर्यंत).
- आंशिक पैसे काढता येणे – 7व्या वर्षांपासून आंशिक पैसे काढण्याची मुभा मिळते.
- नॉमिनेशन सुविधा – खाते उघडताना किंवा नंतरही लाभार्थीची नोंद करता येते.
- स्थानांतरण सुलभता – बँक किंवा पोस्ट ऑफिसमध्ये खाते सहज ट्रान्सफर करता येते.
पीपीएफ मधून पैसे कधी व किती काढता येतात?
- आर्थिक वर्षात फक्त एकदाच रक्कम काढण्याची परवानगी.
- खाते उघडल्यापासून ५ वर्षे पूर्ण केल्यानंतर, ७व्या वर्षापासून आंशिक पैसे काढता येतात.
- काढता येणारी रक्कम:
- एकूण शिल्लक रकमेच्या ५०% पर्यंत
- किंवा ४था आर्थिक वर्ष संपल्यावर असलेल्या शिल्लक रकमेच्या ५०% — यापैकी जी रक्कम कमी असेल तीच काढता येते.
निष्कर्ष
PPF खाते ही दीर्घकालीन बचतीसाठी उत्तम आणि सुरक्षित योजना आहे. कर सवलतींसह, निवृत्तीनंतरच्या काळासाठी आर्थिक पाठबळ उभं करण्याचा हा उत्तम पर्याय आहे. गरजेनुसार आंशिक रक्कम काढता येणे किंवा कर्ज मिळवता येणे यामुळेही ही योजना लवचिक ठरते. त्यामुळे लवकरात लवकर PPF खाते उघडून त्याचा फायदा घेणे शहाणपणाचं ठरेल.
