PM Vidyalaxmi Yojana Laon Process 2025 : उच्च शिक्षणासाठी आता आर्थिक अडचण अडथळा ठरणार नाही! केंद्र सरकारने सुरु केलेली प्रधानमंत्री विद्यालक्ष्मी योजना ही आर्थिकदृष्ट्या दुर्बळ, पण अभ्यासात उजळ विद्यार्थ्यांसाठी एक मोठा दिलासा आहे. या योजनेतून विद्यार्थ्यांना कोणत्याही हमीशिवाय (गारंटी/सिक्युरिटीशिवाय) शिक्षणासाठी कर्ज मिळू शकते.
या योजनेचे मुख्य वैशिष्ट्ये:
- गारंटीशिवाय कर्ज: नामांकित संस्थांमध्ये प्रवेश घेतलेल्या पात्र विद्यार्थ्यांना कोणताही जामीन न देता कर्ज मिळते.
- सरकारी गॅरंटी: ₹7.5 लाखांपर्यंतच्या कर्जावर सरकार 75% गॅरंटी देते.
- व्याजात सवलत: कमी उत्पन्न गटातील विद्यार्थ्यांना व्याजात मोठी सूट मिळते.
- परतफेडीची सुविधा: शिक्षण पूर्ण झाल्यानंतर 15 वर्षांची परतफेडीची मुदत आणि एक वर्षाचा Moratorium Period दिला जातो.
व्याज सवलतीसाठी पात्रता:
- 4.5 लाखांपर्यंत उत्पन्न असलेल्या कुटुंबांना – व्याज 100% माफ
- 8 लाखांपर्यंत उत्पन्न असलेल्या कुटुंबांना – ₹10 लाखांपर्यंतच्या कर्जावर 3% व्याज सवलत
अर्ज प्रक्रिया (संपूर्ण ऑनलाईन):
- www.vidyalakshmi.co.in या पोर्टलवर जा.
- Student Login वर क्लिक करून नवीन खाते तयार करा.
- लॉगिन करा आणि ‘Apply for Education Loan’ वर क्लिक करा.
- फॉर्म भरा, आवश्यक माहिती व कागदपत्रे अपलोड करा.
- अर्ज सबमिट करा.
आवश्यक कागदपत्रे:
- आधार आणि पॅन कार्ड
- 10वी आणि 12वीचे मार्कशीट
- राहिवासाचा पुरावा
- कॉलेजचे प्रवेश पत्र आणि फी स्ट्रक्चर
- उत्पन्नाचा दाखला
योजना कुणासाठी नाही?
- Management quota द्वारे प्रवेश घेतलेले विद्यार्थी
- जे विद्यार्थी शिस्तभंग किंवा अर्धवट शिक्षण सोडतात (वैद्यकीय कारणे वगळता)
थोडक्यात, पीएम विद्यालक्ष्मी योजना ही विद्यार्थ्यांच्या शिक्षणाच्या स्वप्नांना बळ देणारी संधी आहे. आर्थिक अडचणींमुळे थांबलेली पावले या योजनेमुळे पुन्हा चालायला लागतील.
