Farmer Crop Insurance : नाशिक जिल्ह्याच्या दौऱ्यावर आलेले कृषिमंत्री धनंजय मुंडे यांनी नाशिक जिल्ह्यातील शेतकऱ्यांसाठी मोठी आणि आनंदाची बातमी दिली आहे.
Pik Vima 2024 : उपमुख्यमंत्री आणि राष्ट्रवादीचे राष्ट्रीय अध्यक्ष अजित पवार यांची जन सन्मान यात्रा नाशिकमध्ये आहे. नाशिक जिल्ह्यातील शेतकऱ्यांसाठी या दौऱ्यावर आलेले कृषिमंत्री धनंजय मुंडे यांनी मोठी आणि आनंदाची घोषणा केली आहे. गेल्या वर्षीच्या खरीप हंगामात प्रधानमंत्री फसल विमा योजनेत सहभागी सुमारे पाच लाख 88 हजार शेतकऱ्यांना त्यांच्या खात्यात 853 कोटी रुपयांची विम्याची रक्कम मिळणार आहे. 31 ऑगस्टपूर्वी त्यांच्या खात्यात पैसे जमा होतील, अशी माहिती धनंजय मुंडे यांनी दिली आहे.
पुढील आठवड्यात जिल्ह्यातील पीक विमा आणि कृषीविषयक समस्यांबाबत मुंबईत बैठक होणार आहे. या बैठकीला पिक विमा कंपनीचे अधिकारी, छगन भुजबळ, पालकमंत्री दादाजी भुसे, नाशिक जिल्ह्यातील सर्व लोकप्रतिनिधी उपस्थित राहणार असल्याचेही धनंजय मुंडे यांनी सांगितले.
Nuksan Bhrapai : राज्यातील शेतकऱ्यांना अवकाळी आणि अतिवृष्टीची मदत जाहीर; शासनाने दिली मान्यता
शेतकऱ्यांना त्यांची थकबाकी त्वरित देण्यात यावी
धनंजय मुंडे काल जन सन्मान यात्रेच्या निमित्ताने नाशिक जिल्ह्याच्या दौऱ्यावर होते. नाशिक जिल्ह्यातील सर्व लोकप्रतिनिधी तसेच शेतकऱ्यांशी झालेल्या चर्चेदरम्यान त्यांनी प्रलंबित विमा प्रश्नाकडे त्यांचे लक्ष वेधले. त्यानंतर आज सकाळी दिल्लीला रवाना होण्यापूर्वी धनंजय मुंडे यांनी जिल्हा अधीक्षक कृषी अधिकारी सोनवणे व अन्य अधिकाऱ्यांची बैठक घेतली. या बैठकीत त्यांनी जिल्ह्यातील संपूर्ण परिस्थितीची माहिती घेतली. यावेळी आमदार हिरामण खोसकर, माजी आमदार जयंत जाधव उपस्थित होते.
त्यावेळी धनंजय मुंडे यांना पीक कापणीचा प्रयोग आणि उत्पन्नात घट या आधारे नाशिक जिल्ह्यातील शेतकऱ्यांचे ८५३ कोटी रुपयांचे विमा कंपनीकडे थकीत असल्याची माहिती मिळाली. यानंतर कंपनीचे राज्यप्रमुख दीक्षित यांच्याशी संपर्क साधून शेतकऱ्यांची थकबाकी तातडीने भरण्याचे निर्देश दिले.
शेतकऱ्यांनी १५ ऑक्टोबरपर्यत ई-पिक पाहणी नोंदणी करण्याचे आवाहन…
5 लाख 88 हजार शेतकऱ्यांना लाभ मिळणार आहे
या कंपनीनेही धनंजय मुंडे यांच्या सूचनेनुसार ३१ ऑगस्टपर्यंत ही रक्कम देण्याचे मान्य केले. जिल्ह्यातील जवळपास पाच लाख ८८ हजार शेतकऱ्यांना त्याचा लाभ मिळणार आहे.
गतवर्षी नाशिक जिल्ह्यातील पाच लाख ८८ हजार शेतकऱ्यांनी पीक विमा योजनेत सहभाग घेतला होता. त्यातच 21 दिवसांच्या पावसाने शेतकऱ्यांना 79 कोटी रुपयांचा फायदा झाला. तसेच स्थानिक आपत्ती आणि काढणीनंतरचे नुकसान म्हणून 25 कोटी 89 लाख रुपये मंजूर करण्यात आले असून, त्याचे वितरण सुरू आहे. त्यानंतर आज धनंजय मुंडे यांच्या भूमिकेमुळे शेतकऱ्यांना ८५३ कोटी रुपये मिळण्याचा मार्ग मोकळा झाला आहे.
