Jalgaon to Ahmedabad flight service update : जळगावकरांसाठी आणखी एक आनंदाची बातमी आहे. लवकरच जळगाव विमानतळावरून अहमदाबादसाठी विमानसेवा सुरू होणार असल्याची माहिती जळगाव विमानतळ प्राधिकरणाकडून प्राप्त झाली आहे.
जळगाव विमानतळावरून गोवा, पुणे, हैदराबाद आणि मुंबईसाठी विमानसेवा आहे. आता लवकरच जळगाव-अहमदाबाद विमानसेवा सुरू होणार असून ही विमानसेवा आठवड्यातून तीन दिवस असणार असल्याची माहिती समोर येत आहे. ही विमानसेवा मंगळवार, गुरुवार आणि शनिवारी सुरू होणार आहे. अहमदाबादहून जळगावसाठी संध्याकाळी ५.४० वाजता विमान सुटेल.
सात वाजता जळगावला पोहोचेल. जळगावहून अहमदाबादला संध्याकाळी ७.२५ वाजता विमान उड्डाण करेल. जळगाव जिल्ह्यातील व शहरातील व्यापारी वर्ग अहमदाबाद विमानसेवा सुरू करण्याच्या विचारात होता. हा प्रयत्न यशस्वी झाला असून व्यापारी वर्गाला या हवाई सेवेचा फायदा होणार आहे.
जळगाव-मुंबई तीन दिवसीय विमानसेवा आता चार दिवसांसाठी मुंबई-जळगाव विमानसेवा सुरू करणार आहे. रविवार, सोमवार, गुरुवार आणि शुक्रवारी विमानसेवा सुरू होईल.
