Cibil Score Kasa Vadhvava Tips Marathi : आजच्या काळात कर्ज घ्यायचं असल्यास तुमचा सिबिल स्कोअर महत्त्वाची भूमिका बजावतो. बँका आणि आर्थिक संस्था कोणत्याही प्रकारचे कर्ज देण्यापूर्वी संबंधित व्यक्तीचा सिबिल स्कोअर तपासतात. जर हा स्कोअर 700 च्या खाली असेल, तर कर्ज मिळण्यात अडचण निर्माण होते.
घर घेणं, शिक्षणासाठी आर्थिक सहाय्य, वाहन खरेदी किंवा इतर गरजा पूर्ण करण्यासाठी कर्ज आवश्यक असतं. पण अनेकदा चांगलं उत्पन्न असूनही केवळ सिबिल स्कोअर कमी असल्यामुळे बँका कर्ज देण्यास नकार देतात.
Table of Contents
सिबिल स्कोअर म्हणजे नेमकं काय?
सिबिल स्कोअर म्हणजे तुमच्या कर्ज परतफेडीच्या क्षमतेचं प्रतिबिंब. हा स्कोअर 300 ते 900 या दरम्यान असतो. 700 पेक्षा अधिक स्कोअर असेल तरच बँकांकडून कर्ज मिळण्याची शक्यता वाढते. त्याखालचा स्कोअर असेल तर बँका सावध भूमिका घेतात.
सिबिल स्कोअर सुधारण्यासाठी हे सोपे उपाय करा:
- ईएमआय वेळेवर भरा: सध्या चालू असलेलं कर्ज असेल तर त्याचे हप्ते नियमितपणे आणि वेळेत भरणं गरजेचं आहे.
- ‘बाय नाऊ, पे लेटर’चा वापर: छोट्या खरेदीसाठी ईएमआयचा पर्याय निवडा आणि वेळेवर परतफेड करा.
- पोस्टपेड सिम कार्ड वापरा: मोबाईलचे बिल वेळेवर भरणं देखील स्कोअर वाढवण्यात मदत करतं.
- पेट्रो कार्डचा वापर करा: इंधन खरेदीसाठी कार्डचा वापर करून त्याचं नियमित बिल भरा.
- क्रेडिट कार्डची जबाबदारीने वापर: खर्चानुसार मर्यादित वापर करा आणि बिल वेळेवर भरल्यास स्कोअर सुधारतो.
स्कोअर बिघडू नये म्हणून काय काळजी घ्यावी?
- हप्ते उशिरा भरू नका: वेळेवर पेमेंट न केल्यास स्कोअरवर नकारात्मक परिणाम होतो.
- जुनं कर्ज फेडा: नवीन कर्ज घेण्यापूर्वी जुने कर्ज संपवणं हितावह ठरतं.
- अधिक कर्ज घेणं टाळा: परतफेड करण्याइतपतच कर्ज घ्या.
- क्रेडिट कार्डचा अतिरेक टाळा: अनेक ऑफर्स असूनही विचारपूर्वक वापर करणं गरजेचं आहे.
शेवटी एकच गोष्ट लक्षात ठेवा:
सिबिल स्कोअर ही तुमची आर्थिक शिस्त दर्शवणारी गोष्ट आहे. वेळेवर पेमेंट, जबाबदारीने क्रेडिट वापर आणि गरजेनुसारच कर्ज घेणं या गोष्टींचा अवलंब केल्यास तुमचा स्कोअर हळूहळू सुधारेल आणि भविष्यात कोणतंही कर्ज सहज मिळेल.
