EPFO Aadhaar Seeding : EPFO मधून पैसे काढण्यासाठी आधार सीडिंग अनिवार्य आहे. मात्र, आता काही कर्मचाऱ्यांना यातून सूट देण्यात येणार असल्याचे जाहीर करण्यात आले आहे.
EPFO Aadhaar Seeding : जर तुम्ही कर्मचारी भविष्य निर्वाह निधी संघटनेचे (EPFO) सदस्य असाल तर तुमच्यासाठी ही महत्त्वाची बातमी आहे. EPFO ने अलीकडेच आपल्या काही कर्मचाऱ्यांना मोठा दिलासा दिला आहे. या कर्मचाऱ्यांना EPFO दावा सेटलमेंटसाठी आधार सीडिंगची गरज भासणार नाही. यापूर्वी सर्व कर्मचाऱ्यांना त्यांचा युनिव्हर्सल अकाउंट नंबर (UAN) आधारशी Gmail शी लिंक करणे अनिवार्य होते. पण आता EPFO ने हा नियम बदलून काही श्रेणीतील कर्मचाऱ्यांना मोठा दिलासा दिला आहे. ईपीएफओच्या म्हणण्यानुसार, या श्रेणीतील कर्मचाऱ्यांना आधार सीडिंगमधून सूट दिली जाईल. महत्त्वाची गोष्ट अशी आहे की प्रत्येकाला सूट नाही.
आधार सीडिंगमधून कोणाला सूट दिली जाईल?
आंतरराष्ट्रीय कामगार : भारतात काम केल्यानंतर आपल्या देशात परतणारे कामगार. ज्यांच्याकडे आधार कार्ड नाही. या कर्मचाऱ्यांसाठी आता आधार अनिवार्य असणार नाही.
भारतीय नागरिक : ज्यांच्याकडे आधार कार्ड नाही आणि त्यांनी इतर कोणत्याही देशाचे नागरिकत्व घेतले आहे त्यांनाही आधार सीडिंगमधून सूट दिली जाईल.
नेपाळ आणि भूतानचे नागरिक : या देशांचे नागरिक जे ईपीएफ आणि एमपी कायद्यांतर्गत नोंदणीकृत संस्थांमध्ये काम करतात. पण, ते भारतात राहत नाहीत आणि त्यांच्याकडे आधार नाही.
आधारला पर्याय काय?
या श्रेणींमध्ये येणाऱ्या सर्व कर्मचाऱ्यांना आधारऐवजी पासपोर्ट किंवा नागरिकत्व प्रमाणपत्रासारख्या इतर पर्यायी कागदपत्रांद्वारे त्यांची ओळख सिद्ध करण्याची सुविधा दिली जाईल.
नागरिकत्व प्रमाणपत्र केवळ नेपाळ आणि भूतानच्या नागरिकांसाठी वैध आहे.
ईपीएफओने आपल्या परिपत्रकात म्हटले आहे की, ज्या कर्मचाऱ्यांकडे आधार कार्ड नाही त्यांच्या बाबतीत अत्यंत सावधगिरीने काळजी घेतली जाईल. म्हणजे या कर्मचाऱ्यांचे सर्व तपशील व्यवस्थित नोंदवले जातील. मंजुरीपूर्वी कार्यालयीन प्रभारी (OIC) द्वारे त्यांची पुष्टी केली जाईल. जर एखाद्या कर्मचाऱ्याची शिल्लक 5 लाख रुपयांपेक्षा जास्त असेल तर त्याचे बँक खाते देखील तपासले पाहिजे. याची हमी कंपनी किंवा मालकाकडूनही दिली जाईल.
