महाराष्ट्र राज्यातील नोंदणीकृत बांधकाम कामगारांच्या मुलांसाठी आनंदाची बातमी!
10th-12th Pass Scholarship Maharashtra : राज्य शासनामार्फत “महाराष्ट्र इमारत व इतर बांधकाम कामगार कल्याणकारी मंडळ” राबवत असलेल्या शैक्षणिक शिष्यवृत्ती योजनेअंतर्गत १०वी किंवा १२वी उत्तीर्ण विद्यार्थ्यांना १०,००० रुपये आर्थिक सहाय्य मिळणार आहे.
या योजनेअंतर्गत मिळणारे फायदे –
- १०वी किंवा १२वी मध्ये ५०% किंवा त्याहून अधिक गुण मिळवले असतील तर १०,००० रुपयांची शिष्यवृत्ती
- नोंदणीकृत बांधकाम कामगाराच्या जास्तीत जास्त दोन मुलांना लाभ
- शिष्यवृत्तीची रक्कम थेट बँक खात्यात जमा
अर्ज करण्यासाठी आवश्यक अटी –
- विद्यार्थ्याचा पालक MBOCWW (महाराष्ट्र बांधकाम कामगार मंडळ) कडे नोंदणीकृत असावा.
- विद्यार्थी महाराष्ट्राचा कायमस्वरूपी रहिवासी असावा.
- विद्यार्थ्याला १०वी किंवा १२वी परीक्षेत किमान ५०% गुण आवश्यक.
- फक्त दोन पाल्यांना हा लाभ मिळू शकतो.
अर्ज प्रक्रिया –
१. अर्ज डाउनलोड करा
- https://mahabocw.in या अधिकृत संकेतस्थळाला भेट द्या.
- ‘Welfare Scheme’ > ‘Education’ > ’10th to 12th Student’s 10,000/yr’ या पर्यायांतून अर्ज डाउनलोड करा.
२. अर्ज भरा
- कामगाराची माहिती व विद्यार्थ्याची शैक्षणिक माहिती अचूक भरा.
- बँक तपशील आणि आधार क्रमांक देणे आवश्यक.
३. अर्ज सादर करा
- सर्व आवश्यक कागदपत्रांसह तुमच्या जिल्ह्याच्या कामगार आयुक्त कार्यालयात अर्ज सादर करा.
- पावती घेणे विसरू नका.
लागणारी कागदपत्रे –
- कामगार नोंदणी प्रमाणपत्र
- विद्यार्थ्याचा फोटो
- बँक पासबुक (आधार लिंक असलेले)
- १०वी / १२वीची गुणपत्रिका
- शाळेचा बोनाफाईड व ७५% उपस्थितीचा दाखला
- आधार कार्ड, रहिवासी प्रमाणपत्र, प्रवेश पावती
शिष्यवृत्ती रक्कम तपासण्यासाठी –
- मंडळाच्या पोर्टलवर “Various Scheme Benefits Transferred” या लिंकवर क्लिक करा.
- तुमचा जिल्हा, नाव, बँक खात्याचा तपशील वापरून ‘E02’ स्कीम कोड निवडा आणि तपासा.
