Rbi Karj Nave Niyam Shetkari Msme 2025 : भारतीय रिझर्व्ह बँकेने (RBI) शेतकरी आणि सूक्ष्म, लघु व मध्यम उद्योगांसाठी (MSME) कर्ज प्रक्रिया अधिक सुलभ करण्यासाठी नवे मार्गदर्शक नियम जारी केले आहेत. या नव्या निर्णयामुळे बँकांकडून कर्ज घेणं आता अधिक लवचिक आणि सोपं होणार आहे.
सोने-चांदी तारण म्हणून स्वीकारण्यास मंजुरी
RBI ने स्पष्ट केले आहे की, जर शेतकरी किंवा MSME युनिट्स कर्ज घेण्यासाठी तारणमुक्त मर्यादेनंतर देखील स्वेच्छेने सोने किंवा चांदी तारण म्हणून द्यायचे ठरवत असतील, तर बँकांनी ते स्वीकारण्यास हरकत नाही. त्यामुळे अधिक पर्याय उपलब्ध होऊन, कर्ज मिळवणं सुलभ होईल.
हा नियम कोणत्या बँकांना लागू?
- सर्व अनुसूचित व्यावसायिक बँका
- प्रादेशिक ग्रामीण बँका
- लघु वित्त बँका
- राज्य सहकारी बँका
- जिल्हा मध्यवर्ती सहकारी बँका
प्रादेशिक व सहकारी बँकांसाठी विशेष लाभ
या नव्या धोरणामुळे तारणमुक्त कर्ज मार्गदर्शक तत्त्वांमध्ये येत नसलेल्या ग्रामीण व सहकारी बँकांसाठीही मोठा फायदा होणार आहे.
क्रेडिट डेटामधील अचूकतेवर RBI चे लक्ष
दुसऱ्या महत्त्वाच्या मुद्द्यावर, कर्जदारांच्या माहितीमध्ये डुप्लिकेशन आणि त्रुटी टाळण्यासाठी RBI ‘युनिक बरोअर आयडेंटिफिकेशन’ प्रणाली आणण्यावर भर देत आहे. यामुळे कर्ज मूल्यांकन प्रक्रियेत पारदर्शकता वाढेल आणि चुकीचे क्रेडिट रिपोर्ट्स टळतील.
डिजिटल व्यवस्थेत बदलाची गरज
RBI चे डेप्युटी गव्हर्नर एम. राजेश्वर राव यांनी सांगितले की, देशात क्रेडिट डेटाचे ओळख मानकीकरण करणे ही काळाची गरज आहे. सध्या क्रेडिट इन्फॉर्मेशन कंपन्या बँकांनी दिलेल्या माहितीवर अवलंबून असतात, आणि ओळखीच्या एकसंधतेअभावी डुप्लिकेट नोंदी आणि चुकीचे रिपोर्ट तयार होतात.
