Digital PAN Card PAN 2.0 : सीबीडीटीने म्हटले आहे की, ज्यांच्याकडे क्यूआर कोडशिवाय जुने पॅनकार्ड आहे ते क्यूआर कोडसह नवीन पॅन कार्डसाठी अर्ज करू शकतात. नवीन पॅन कार्ड प्रणाली सुरू झाल्यानंतरही जुने पॅन कार्ड वैध राहील.
Digital PAN Card PAN 2.0 : पंतप्रधान नरेंद्र मोदी यांच्या अध्यक्षतेखाली झालेल्या मंत्रिमंडळ बैठकीत पॅन 2 प्रकल्पाला मंजुरी देण्यात आली आहे. नवीन पॅनमध्ये QR कोड असेल. या प्रगत प्रणालीमुळे बनावट पॅन कार्ड ओळखणे सोपे होणार आहे. तसेच, करदात्यांना एकापेक्षा जास्त पॅन कार्ड ठेवता येणार नाही. त्यामुळे जुन्या पॅनकार्डचे काय होणार? हा प्रश्न प्रत्येकाच्या मनात आहे
Table of Contents
जुने पॅनकार्ड वैध असेल
नवीन प्रणाली सुरू झाल्यावर जुने पॅनकार्ड वैध असेल. तसेच, पॅनकार्डधारकाला नवीन पॅनकार्डसाठी अर्ज करण्याची गरज नाही. जर तुम्हाला कार्डची माहिती बदलायची असेल तरच तुम्हाला पॅन कार्ड 2.0 साठी अर्ज करावा लागेल. केंद्रीय प्रत्यक्ष कर मंडळाने (CBDT) PAN 2.0 प्रकल्पाविषयी महत्त्वाची माहिती शेअर केली आहे. यामुळे सर्वसामान्यांच्या मनात निर्माण झालेल्या प्रश्नांची उत्तरे मिळाली.
सर्व सेवा एकाच ठिकाणी मिळतील
सध्या देशात 78 कोटी पॅन आणि 73.28 लाख TAN खाती आहेत. यासंदर्भातील सेवा ई-फायलिंग पोर्टल, यूटीआयआयटीएसएल पोर्टल आणि प्रोटी ई-गव्हर्नन्स पोर्टलवर आहे. पण पॅन २.० लागू झाल्यानंतर या सर्व सेवा एकाच पोर्टलखाली येतील. नवीन पॅन कार्डमध्ये QR कोड असेल. पॅन कार्डवर क्यूआर कोडची सुविधा नवीन नाही. ही सेवा 2017-18 पासून उपलब्ध आहे. पण पॅन २.० प्रकल्पात क्यूआर कोडमध्ये डायनॅमिक सुविधा असेल. त्यामुळे पॅन डेटाबेसमध्येही ताजा डेटा पाहता येईल. त्यात फोटो, स्वाक्षरी, नाव, पालकांचे नाव आणि जन्मतारीख असेल.
तुम्हाला नवीन पॅनकार्ड हवे असेल तर त्याची किंमत किती असेल?
सीबीडीटीने सांगितले की ज्यांच्याकडे क्यूआर कोडशिवाय जुने पॅनकार्ड आहे ते क्यूआर कोडसह नवीन पॅनकार्डसाठी अर्ज करू शकतात. नवीन पॅन कार्ड प्रणाली सुरू झाल्यानंतरही जुने पॅन कार्ड वैध राहील. त्यात बदल करण्याची गरज नाही. पण फिजिकल पॅन कार्ड मिळवण्यासाठी करदात्याला 50 रुपये शुल्क भरावे लागेल.
जर तुम्हाला पॅन कार्डमधील माहिती अपडेट करायची असेल, तर तुम्ही खाली दिलेल्या लिंकवर जाऊन माहिती अपडेट करू शकता.
NSDL Pan सेवा
https://www.onlineservices.nsdl.com/paam/endUserAddressUpdate.html
