फक्त काही क्लिकमध्ये वारसनोंद, कर्जबोजा आणि 7/12 उतारा आता एका क्लिकवर, तलाठ्याच्या फेऱ्यांना रामराम! 1.2 लाख शेतकऱ्यांनी वापरली नवीन सुविधा, कार्यालयात जाण्याची झाली गरजच नाही
Online 7/12 Utara nondi Maharashtra : आता शेतकरी आणि जमीनधारकांना महसूल कार्यालयात धावपळ करण्याची गरज नाही! घरबसल्या तुमच्या मोबाईल किंवा कॉम्प्युटरवरून 7/12 उताऱ्यातील सर्व नोंदी करू शकता. पुणे जिल्ह्यातील शेतकऱ्यांनी या नवीन ई-हक्क प्रणालीला जबरदस्त प्रतिसाद दिला आहे.
Table of Contents
काय आहे हा धमाका?
सरकारने शेतकऱ्यांच्या सोयीसाठी ई-हक्क प्रणाली सुरू केली आहे. यामध्ये:
- वारसनोंद
- कर्जबोजा दाखल करणे किंवा कमी करणे
- अपाक (अज्ञान पालक कर्ता) शेरा कमी करणे
- एकत्र कुटुंब मॅनेजर (एकुमें) नोंद
- इतर अनेक फेरफार
हे सर्व आता ऑनलाइन करता येत आहे!
पाहा किती लोकांनी केला वापर
गेल्या 9 महिन्यांत पुणे जिल्ह्यातील 13 तालुक्यांमधून 1,21,899 अर्ज आले आहेत. यापैकी 98,215 अर्ज मंजूर झाले आहेत आणि त्यांच्या सातबारा उताऱ्यावर नोंदी झाल्या आहेत. सुमारे 22 हजार अर्ज कागदपत्रे अपूर्ण असल्याने नाकारले गेले, तर 1,604 अर्ज अजूनही प्रलंबित आहेत.
कसं करावं ऑनलाइन अर्ज?
Step 1: www.mahabhulekh.maharashtra.gov.in या वेबसाइटवर जा
Step 2: आवश्यक माहिती भरा आणि अर्ज करा
Step 3: अर्ज आपोआप तुमच्या गावाच्या तलाठ्याकडे पोहोचेल
Step 4: तलाठी तुमच्या कागदपत्रांची तपासणी करेल
Step 5: कागदपत्रे योग्य असल्यास नोंद सातबारा उताऱ्यावर होईल
शेतकऱ्यांचा उत्स्फूर्त प्रतिसाद
पूर्वी एका साध्या वारसनोंदीसाठी महसूल कार्यालयात अनेक फेऱ्या मारावीं लागतात. दिवसभर रांगेत उभं राहावं लागत असे. आता तेच काम घरबसल्या काही मिनिटांत पूर्ण होतं.
सर्वात चांगली गोष्ट म्हणजे अर्जाची स्थिती ऑनलाइन तपासता येते. त्यामुळे काम कुठपर्यंत पोहोचलं आहे हे कळतं राहतं.
डिजिटल इंडियाचा फायदा
ही प्रणाली ग्रामीण भागातील डिजिटल साक्षरता वाढवण्यातही मदत करत आहे. गावपातळीवरील महा ई-सेवा केंद्रांमधून देखील हे काम करता येते.
भूमिअभिलेख विभागाने यापूर्वी डिजिटल सातबारा उतारा आणि ई-फेरफार सुविधा सुरू केल्या होत्या. ई-हक्क प्रणाली ही त्यातील नवीनतम भर आहे.
